(998)79-223-00-04 ujkx@nv.uz, safarov.m@umail.uz Diqqat!!! Sayt test rejimida ishlamoqda.

НАВОИЙ ВИЛОЯТИДА 1000 ГА ЯҚИН КЎП ҚАВАТЛИ УЙЛАР ДЕЗИНФЕКЦИЯ ҚИЛИНДИ

Бугунги кунда вилоятда жами 1701 та кўп қаватли уйлар мавжуд бўлиб, мазкур кўп қаватли уйларга 63 та хусусий уй-жой мулкдорлари томонидан коммунал хизматлар кўрсатилиб келинмоқда.

Мамлакатимиз бўйлаб коронавирус тарқалишининг олдини олишга қаратилган кечиктириб бўлмайдиган чора-тадбирларни амалга ошириш ҳамда санитария-эпидемиологик осойишталикни таъминлаш, аҳоли саломатлигини муҳофаза қилиш чоралари кўрилмоқда.

Хусусан, Уй-жой коммунал хизмат кўрсатиш бошқармаси ҳамда вилоят санитария-эпидемиология осойишталик маркази шаҳар, туман бўлимлари ва хусусий уй-жой мулкдорлари ширкатлари билан ҳамкорликда мингга яқин кўп қаватли уйларни дезинфекция қилиш ишлари олиб борилди ҳамда қолган кўп қаватли уйларни дезинфекция қилиш ишлари босқичма-босқич амалга оширилмоқда.